Terra (feat. Mc Igreja)

Maya Camala

Compositor: Não Disponível

Su odja go nha terra si (su odja, su odja)
Tok bo na dimira (tok bo na dimira)
Ambison ku tciu dimas (ambison)
E ta gueria pa poder (e ta gueria pa puder)

Tempu i dinheru, ma nha korson i ka brinkedu
Ali n'na botan ganas di nha lagrimas na reklama
Korson findi, udjus pangan
N' ka sibi kal ki notisia di terra ki bo na tisin, ma
Kansera ki n' sibi tem na nha terra la
N' ta firgui n'ta firme, n'ka na dizanima (nunka)
Bo kumpu terra, bo para brinkadera
E kusa di mon madera ta tisi miti miti pé na kadera
Porra merda, bo disi storia di rere-rere
Bo djubi koitadi mininus ku bariga di fomi, boka di bokera
Djubi pera, es i mininus di nha terra ka meresi sta
Ualualidu, kotcotcidu, kolontcidu
Anos no na kume karus, abos bo na kume arus
Ampus e tipu di maltratu ki ta tisi djus (ki ta tisi djus)
(MC Igreja, djusian djusia!)

Su odja go nha terra si (su odja, su odja)
Tok bo na dimira (tok bo na dimira)
Ambison ku tciu dimas (ambison)
E ta gueria pa puder (e ta gueria pa puder)

Sukuta, e ta kume fartu e bota e ka mporta
Koitadi povu ki ta vota!
Ordi forti, tratu mofinu, punta Rofino!
Brother Witchu, subia witchuwiu
É brother Witchu, Tchutchu
Moransa ku fomi dun di moransa é ka omi
Kantiga di la i ditu, fomi di mon pasadu ta tisi konflitu
Kin ki tene fomi ka ta pensa dritu
Pa intci bariga e ta vira ka banga di djitu
Bo bai tira bo vida, juro, i pa fraku
Spiritu toka nha pitu, es i ka kombersa di ditu
N' misti pa bo obi nha gritu, n' misti pa nha povu sta dritu
Pe para kastigadu pa kamarada ki aos i general, koronel
Se ermon di aonti staba suma kabra, purku, karnel
Na kume forel na kortel
I bos, bo pasa omi pa kortel!
(No ka tciga di bai, li o no muri tudu ma no ka na bai reforma)

Su odja go nha terra si (su odja, su odja)
Tok bo na dimira (tok bo na dimira)
Ambison ku tciu dimas (ambison)
E ta gueria pa puder (e ta gueria pa puder)

Aos n' tene sunhu medunhu, nha povu sta lundju
N'na muri di sedi na fonti di iagu dosi
Sos, i ka di aos ki n' manda nha kombersa margos
Son Bentu ku bos, bo punta Bif Toff (i bardadi)
Sua Excelência, kamarada, balentis kombatenti
Ku unidadi no serka tuga, no toma no terra, no isa no bandera
I so ku unidadi ku no pudi kumpu no terra
Es ki nha kudadi i es ki bardadi
Terra ka ta kumpudu parmanha pa di tardi
Prisidenti el so i ka pudi fasi nada, só si milagri
No ka misti rumba di bumba di tum-tam
No ka misti tio Kuma, ke di no jovem, n' punta
Kuma e kaba liceu, i sinta na pera pa tudu bin di seu
Djê, madjê, punta mana Adjê
Pa kumpu terra i ka so no guvernantis
Fidju di terra dibi di lanta e fasi kel ki pudi fasi pa terra
Menos asneira, tempu ka tem pa pera
Jovem, no dixa pulitika di bankada, di
No pega na nxada, pikareta, pá, kareta
No limpa no strada, no baleta
Pa es anu kolera ka tem, es ki dibi di fasidu
Paraba di numeru di mininu nosenti falesidu
Ku apoiu di kamara munisipal
Sa ka da aval no fitca strada prinsipal
Ke di no ospital?
No medikus tenenu suma galinha patu na se kintal

Su odja go nha terra si (su odja, su odja)
Ambison ku tciu dimas (ambison ku tciu dimas)
E ta gueria pa puder!

Su odja go nha terra si (su odja, su odja)
Tok bo na dimira (tok bo na dimira)
Ambison ku tciu dimas (ambison)
E ta gueria pa puder (e ta gueria pa poder)